Tibbi Paylaşım Portalı

Almaniyaya getmək üçün bank hesabında pul olmalıdır söhbəti düzdür mü və düzdürsə nə qədər pul olmalıdır hesabda?

Almaniyay getməklə bağlı birçoxları üçün böyük əngəl yaradan maddi təminat məsələsidir. Yola çıxmazdan əvvəl diqqət etməniz vacibdir,çünki bu yolu yarıdan geri dönmək sadəcə pul vaxt itkisi və stress gətirir. Bu səbəbdən təqribi ortalama hesablama edirəm:

1. 2illik dil kursu- aylıq ortalama ən münasib halda 200man =4800man.

2.dərs vəsaitləri ortalama=100man

3.nəqliyyat pulu həftəlik 3dərs toplam=100man

4.Konversation klublar üçün 6aylıq hesablasaq 180man(bunu pulsuz şəkildə də təşkil edə bilərsiz)

5.imtahan pulu C1 üçün 130Euro təqribən=270man.

Bakıdakı bu mərhələ yekunda 5450man aylıq kreditə bölsək-227man aylıq xərc. Yolun digər hissəsi isə proqnozlaşdırmaq bir qədər çətindir təbiiki,iş tapmaq müddətindən,almaniyada uzun müddət yaşamaq səbəbindən və bir sıra sənəd işlərindən və s. asılı olaraq. Arada universitet vaxtında etdiyiniz hospitasiyaları və yaxud dil kurslarını özünüz təqribi qiymətlə üzərinə gələ bilərsiz.

İş axtarışı müddəti ərzində ilk olaraq aviabilet ortalama 200Euro-400man. Əgər iş axtarışı müddətində evlə təmin oluna biləcəyiniz hospitasiyanız əlinizdə yoxdursa ev üçün aylıq ortalama 600man,yemək üçün aylıq təqribən 400man. İş görüşlərinə getməyiniz üçün yol pulu 45gün əvvəldən bilet alsaz və DeutcheBahn card 25lə alsaz (Mybahncard 25 25yaşa qədər 39.90Euro,25yaşdan yuxarı isə Bahncard25 62Euro) gediş-gəliş üçün əyalətdaxili təqribən 40Euro= 80man. İşə qəbul olsaz: sağlamlıq kağızı hausarztdan 15Euro=30man(bəzən Hausarztlar pulsuzda edirlər yaxud hospitasiya elədiyiniz klinikanın krankenhausbetriebsarztından pulsuz əldə edə bilərsiz),führungszeugnis belegart O – 13Euro=26man, Fachsprachenprüfung ortalama 400Euro=800man(350-450 arası dəyişilir əyalətlərdən asıılı olaraq) və bu sənədlərin şəxsən özünüz təqdim etmək istəsəz yenə bir yol pulu 40Euro=80man.(poçtla da göndərə bilərsiz sadəcə şəxsi təqdim etməklə bəzən suallara cavab tapmaq olur). FSP imtahanına yol pulu yenə 40Euro-80man. Peşə icazəsi(Berufserlaubnis) aldıqdan sonra onun pulu 100-200Euro arası ortalama 150Euro-300man,aufenthaltserlaubnis və iş icazesi(Arbeitserlaubnis) ortalama 100Euro=200man (şəhərdən asılı olaraq dəyişir). Ev tutsaz yada Yaşayış binalarında otaq Kaution pulu yəni girov pul ortalama 500Euro-1000man(bəzi klinikalar öz personal yaşayış binaları üçün girov pulu almırlar) və 1aylıq ev kirayə pulu əvvəldən verilməli bunuda ortalma 300Euro=600man hesablayaq. Klinika üçün Führungszeugnis belegart N-13Euro=26man. Bütün bunları ən yaxşı halda 6ay ərzində yekunlaşdıra bilsəz toplam xərciniz-9702man(bu məbləğə gəzinti xərcləri və digər alınan əşyalarıda hesablayıb əlavə edəcəksiz təbiiki). Amma bu xərcləri evlə və yeməklə təmin edilmiş hospitasiyalarla ciddi şəkildə azalda bilərsiz yəni 4-5min arası. Amma təəssufki hal hazırda müraciət sayı çoxluğundan belə şansları əldə etmək çox çətinləşib və getdikcə də çətinləşəcək.

Yekun olaraq bakı və almaniya toplasaq işə sahib olana qədər keçdiyiniz yol- yaxşı halda ortalama 15152man. maddi vəsait tələb edir.

Mənbə: ElBay Rasul Almaniyada Rezidentura haqqında yazı

Xüsusi kurslar vasitəsilə, bank hesabı söhbətini həll etmək olur. Belə ki onlar tələb olunan məbləği sizlə razılaşaraq sizin hrsaba yatırır, siz almaniyaya getdikdən sonra isə hesabınızdan həmin pullar çıxarılır. Bu bir əngəl deyil yəni.

Indiyə qədər Almaniyaya gedən tanışlarımın heç biri varlı olmayıb. Müxtəlif yollarla hesab məsələsini həll ediblər.
Digər xərclərə gəlincə,kursu 150 manata tapmaq olur,materiallar pdf formatında da var, kopyaları da satılır.