Nələri bilməliyik?
1. Orqanizmimiz yediyimiz hər şeydən bir gün ac qalarıq, bir gün pis vəziyyətə düşərik tendensiyası ilə həmişə ehtiyat maddə piy və qlükoza toplamağa çalışır. Bu siz nə qədər kök olsanız belə, həmişə baş verir.
2. Ehtiyat qida maddələri orqanizmdə qlikogen və piy kimi toplanır. Bu ehtiyyat madələr bizim depolaramızdı toplanır.
3. Ehtiyyat maddə depolaramız qaraciyər və piy hüceyrələrimizdir.
4. Biz kökəldikdə heç vaxt piy hüceyrələrimizin sayı artmaz!!!. Piy hüceyrələrinin sayı stabildir, dəyişən isə yalnız onların həcmidir.
5. Piy hüceyrələrimizin 90 faizi sudur, bəli su. Piy hüceyrələrində yağ turşuları və qliseriddən çox su vardır.
6. Suyu bədəndə tutub saxlayan maddələr duzlardır. Duzlar osmotik maddə olub suyu özünə çəkir. Deməli duzu azaldaraq, bədənizdəki suyu və beləliklə də piy hüceyrələrinizin həcmini kiçildə bilərsiniz. Eyni zamanda pomidor və xiyar kimi duzu orqanizmdən təmizləyən tərəvəzlərin istifadəsi də məqsədəuyğundur.
7. Orqanizm sizin kök olmağınıza və görünməyinizə səbəb olan maddələri normal halda yalnız siz yemək yedikdə sərf edir. Biz ağzımıza yeməyi atdığımız və udduğumuz andan etibarən beyin düşünür ki, artıq qida maddəsi gələcək, əmin olmaq olar və bu düşüncəylə piylərinizi sərf edir, qaraciyərinizdəki qlükozanı qana keçirir ki, onsuzda sərf etdiyi maddə yenidən qayıdacaq.
8. Buna görə də siz az-az və tez-tez yeməlisiniz. Siz hər dəfə yedikcə orqanizm qida maddəsi gəldiyini düşünərək depoları boşaldır və siz başladıqdan qısa müddət sonra yeməyi kəsdikdə bir növ öz orqanizminizi aldatmış və depolarınzdakı artıq piyləri sərf etmiş olursunuz.
9. Orqanizm qlükoza olmadığı halda yağ hasil edə bilməz. Yağların hasilində istifadə olunan metabolitlər qlükoza katobolizmindən alınır. Qidada yediyimiz yağlar isə bütünlüklə mənimsənilmir. Deməli, bizi kökəldən yağdan çox elə qlükozadır. Deməli, yağı norma daxilində istifadə etmək lazımdır, nə az, nə artıq.
10. Nəticə etibarı ilə siz qlükozanı, yəni şəkəri kəsməlisiniz, bura çörək, un məhsulları, şirniyyatlar aiddir. Yağı kəsmək isə məqsədəuyğun deyildir. Yağlar beynimizin fəaliyyəti üçün çox vacibdir. Belə ki, neyronların aksonlarının plazmalarında yüksək miqdarda lipidlər vardır ki, bunlar sinir impulslarının ötürülməsində iştirak edir.
11. Bildiyiniz kimi beynimizin benzini qlükozadır. Bəs şəkəri kəssək beyin fəaliyyətimizə ziyan vurarıqmı? Əgər siz köksünüzsə, XEYR!. Çünki sizin qaraciyərinizdə sizi aylarla saxlayacaq qədər qlükoza depolana bilir. Və bunlara da baxmayaraq qlükozanı tam kəsmək olmaz, onu yalnız meyvələrlə və səhər çayı ilə birgə qəbul etməlisiniz.
12. Yaşıl tərəvəzlərdən çox istifadə etməlisiniz. Bu cür tərəvəzlərin tərkibində olan sellülozanı orqanizmimiz mənimsəmir, lakin sellüloza bağırsaqların hərəkətliliyini artırır, həzmi sürətləndirir və normalaşdırır.
13. Və dərhal arıqlamayacaqsınız. Unutmayın indiki çəkinizi və piylərinizi ömrünüz boyunca, illərlə yığmısınız. Ona görə səbirli olmaq lazımdır, bədənimiz ilk növbədə orqanizmdəki qlükozanı sərf etdikdən sonra yağları sərf etməyə başlayır, buna görə də bu mərhələdə səbirli olmalısınız.
14. Bir çox idman növü piyləri əritmək üçün yox, əzələlələri möhkəmlətmək və gücləndirmək üçündür və bu arıqlamanıza kömək etməyəcəkdir. Arıqlamaq yeganə və ən mükəmməl idman yürüşdür, adi yeriyiş, gəzinti.
15. Son olaraq yetərincə zülal qəbul etdiyinizdən əmin olun. Zülal bizim tikinti materialımızdır, zülal sizi kökəltməz, sizi möhkəmləndirər və orqanizminizi gücləndirər. Zülalla zəngin qidalar pendir, ət məhsulları, yumurta kimi məhsullardır.
Bəli, səbirlə oxuyub axıra qədər çatdınız. Sizə qalan burda yazılanlardan nəticə çıxardıb, tətbiq etmək və bu zaman qarşınıza məqsəd kimi arıqlamağı yox sağlam olmağı qoymaqdır.